സ്കൂളുകളിൽ ഓണാഘോഷ ദിവസവും പരീക്ഷ; എട്ടാം ക്ലാസ് വിദ്യാർത്ഥികൾ വിഷമത്തിൽ

സംസ്ഥാനത്തെ പൊതുവിദ്യാലയങ്ങളിൽ ഓണാഘോഷ പരിപാടികൾ നടക്കേണ്ട ദിവസം തന്നെ പരീക്ഷ നിശ്ചയിച്ച സർക്കാർ നടപടിക്കെതിരെ വ്യാപക പ്രതിഷേധം. എട്ടാം ക്ലാസ് വിദ്യാർത്ഥികൾക്കാണ് ആഘോഷങ്ങൾക്കിടയിൽ പരീക്ഷ എഴുതേണ്ടി വരുന്നത്.

ഈ മാസം 21-നാണ് സ്കൂളുകളിൽ ഓണാഘോഷ പരിപാടികൾ തീരുമാനിച്ചിരുന്നത്. എന്നാൽ, ഇതേ ദിവസം തന്നെ പരീക്ഷയും ക്രമീകരിച്ചിരിക്കുകയാണ് പൊതുവിദ്യാഭ്യാസ വകുപ്പ്. യഥാർത്ഥത്തിൽ 20-ാം തീയതി ഉച്ചയ്ക്ക് ശേഷം നടക്കേണ്ടിയിരുന്ന മലയാളം രണ്ടാം പേപ്പർ പരീക്ഷയാണ് 21-ാം തീയതിയിലേക്ക് പുനർക്രമീകരിച്ചത്. സർക്കാരിന്റെ ഈ നീക്കം മൂലം വിദ്യാർത്ഥികൾക്ക് സ്കൂളിലെ ഓണാഘോഷ പരിപാടികളിൽ പൂർണ്ണമായി പങ്കെടുക്കാൻ സാധിക്കാത്ത സാഹചര്യം ഉണ്ടാകുമെന്ന് പരാതി ഉയർന്നിട്ടുണ്ട്.