6/recent/ticker-posts

Ad Code

aug-banner

Recent News

Copy-of-Copy-of-Yellow-Black-Modern-News-Media-New-Linked-In-Banner-20240817-194933-0000-page-0001

കൊച്ചിയിൽ വീണ്ടും ബഹുനില ഫ്ലാറ്റ് പൊളിക്കുന്നു; വൈറ്റിലയിലെ ചന്ദർകുഞ്ച് ആർമി ഫ്ലാറ്റിന് പൊളിക്കൽ നടപടികൾ

കൊച്ചി: വൈറ്റില സിൽവർ സാൻഡ് ഐലൻഡിലെ ചന്ദർകുഞ്ച് ആർമി ഫ്ലാറ്റ് സമുച്ചയത്തിലെ നിർമാണപ്പിഴവുകൾ കണ്ടെത്തിയതിനെ തുടർന്ന് ബി, സി ടവറുകൾ പൊളിച്ച് പുതിയത് നിർമിക്കാനുള്ള നടപടികൾ പുരോഗമിക്കുന്നു.

നിർമാണത്തിലെ ഗുരുതരമായ അപാകതകൾ ചൂണ്ടിക്കാട്ടി താമസക്കാർ നൽകിയ ഹർജിയിലാണ് കേരള ഹൈക്കോടതി ടവറുകൾ പൊളിച്ച് പുനർനിർമിക്കാൻ ഉത്തരവിട്ടത്. താമസക്കാരെ ഒഴിപ്പിച്ച് പകരം താമസസൗകര്യം ഒരുക്കണമെന്നും കോടതി നിർദേശിച്ചിരുന്നു. 

പൊളിക്കൽ, പുനർനിർമാണം എന്നിവയ്ക്കായി ഏകദേശം 175 കോടി രൂപ ചെലവ് കണക്കാക്കിയിട്ടുണ്ട്. പൊളിക്കൽ നടപടികൾക്കുള്ള തയ്യാറെടുപ്പുകളും ഇതിനകം ആരംഭിച്ചിരുന്നു. ഫ്ലാറ്റുടമകൾക്ക് ലഭിക്കേണ്ട വാടക സംബന്ധിച്ച വിഷയങ്ങളും അധികൃതരുടെ നേതൃത്വത്തിൽ ചർച്ച ചെയ്തിട്ടുണ്ട്. 

2018ൽ താമസക്കാർക്ക് കൈമാറിയ ബി, സി ടവറുകളിൽ അതേ വർഷം തന്നെ നിർമാണപ്പിഴവുകൾ സംബന്ധിച്ച പരാതികൾ ഉയർന്നിരുന്നു. വിദഗ്ധ പരിശോധനകളിലും കെട്ടിടങ്ങളുടെ സുരക്ഷയെക്കുറിച്ച് ഗുരുതരമായ ആശങ്കകൾ ഉയർന്നതോടെയാണ് വിഷയം കോടതിയിലെത്തിയത്. 

വർഷങ്ങൾ നീണ്ട വിവാദങ്ങൾക്കൊടുവിൽ, വൈറ്റിലയിലെ ഈ ബഹുനില ഫ്ലാറ്റ് സമുച്ചയം ഇനി പൊളിച്ച് പുനർനിർമിക്കാനുള്ള ഘട്ടത്തിലേക്ക് കടക്കുകയാണ്.

Ad Code

Responsive Advertisement